ستھرا پنجاب پروگرام کے ثمرات عوام تک پہنچانا ترجیح :محمد اشرف
بھکر(ڈسٹرکٹ رپورٹر)ڈپٹی کمشنر بھکرمحمد اشرف نے کہا ہے کہ ستھرا پنجاب پروگرام کے ثمرات عوام الناس تک پہنچانا ۔۔۔
میری اولین ترجیح ہے اس ضمن میں ضلعی انتظامیہ کے اعلیٰ افسر ،تمام تحصیلوں کے اسسٹنٹ کمشنرز،سی اوز ایم سی،زیڈ سی،لوکل گورنمنٹ کے افسر اور سالڈ ویسٹ مینجمنٹ کمپنی کی مقامی انتظامیہ اپنے سونپے فرائض کا احساس کریں اور تمام تر امور کی کڑی مانیٹرنگ کا عمل برقرار رکھیں۔ ڈیلی ریویو سیشن کی صدارت کرتے ہوئے ڈپٹی کمشنر نے کہا کہ شہریوں کو صاف ستھرا ماحول فراہم کرنے کیلئے متعلقہ افسر روزانہ کی بنیاد پر وارڈز اور یونین کونسلز کا دورہ کر کے ویسٹ مینجمنٹ کمپنی کی کارکردگی کو مانیٹر کریں۔انہوں نے کہا کہ شہری عملہ صفائی سے تعاون کریں اور جگہ جگہ کوڑا کرکٹ ہرگز مت پھینکیں مخصوص پوائنٹس پر کوڑا رکھیں عملہ صفائی بروقت اٹھا لے گا۔
روزنامہ دنیا ایپ انسٹال کریں
