مختلف مقامات سے 4خواتین بچے سمیت 6افراد اغوا
قصور(نمائندہ دنیا)شہر اور گردونواح سے 4 خواتین، ایک بچے سمیت 6افراد کو اغوا کرلیاگیا، روسہ بھیل کی رہائشی خاتون رانی بی بی کی 2بیٹیوں 16سالہ (ا) اور 18سالہ (ش)کو بوائز سکول کے پاس سے ملزم زبیر نے اپنے تین ساتھیوں کے ہمراہ اغواکرلیا۔۔۔
جماعت پورہ کے رہائشی محمدیسٰین کی 35سالہ بیوی (س) اور اسکے 8سالہ بیٹے ذیشان کو گھر سے نامعلوم ملزم نے اغواکرلیا، پتوکی کے رہائشی سعیداحمد کی بیوی (ف)بازار سے سبزی لینے گئی ہوئی تھی کہ گھرسے ملزم نثاراورشہبازنے اس کی 14سالہ بیٹی (ب)کواغواکرلیا،اڈاروسہ کے رہائشی اسداﷲ مسیح کا 22سالہ بیٹا رفاقت رکشہ پر گھر سے کام پر گیا جوتاحال واپس نہ آیا ہے ، پولیس مقدمات درج کرکے مصروف کارروائی ہے ۔
روزنامہ دنیا ایپ انسٹال کریں
