عالمی ومقامی سطح پر سونے کی قیمتوں میں اضافہ ریکارڈ
کراچی: (دنیا نیوز) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔
بین الاقوامی بلین مارکیٹ میں فی اونس سونے کی قیمت 12ڈالر کے اضافے سے 4ہزار 207ڈالر کی سطح پر آگئی جبکہ پاکستان میں فی تولہ سونے کی قیمت میں 1 ہزار 200 روپے اور دس گرام سونے کی قیمت میں 1 ہزار 29 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 4 لاکھ 43 ہزار 62 روپے اور دس گرام سونے کی قیمت 3 لاکھ 79 ہزار 854 روپے ہوگئی۔
دوسری جانب فی تولہ چاندی کی قیمت بھی 265روپے کے بڑے اضافے سے 6ہزار 367روپے اور فی دس گرام چاندی کی قیمت بھی 227روپے کے اضافے سے 5ہزار 458روپے ہوگئی ہے۔
