لاہور: زیر حراست 2 اور منشیات فروش ساتھیوں کی فائرنگ سے ہلاک
لاہور: (دنیا نیوز) سی سی ڈی اقبال ٹاؤن کا ملزمان سے فائرنگ کا تبادلہ ہوا جس میں زیر حراست مزید 2 منشیات فروش ساتھیوں کی فائرنگ سے ہلاک ہوگئے۔
پولیس ذرائع کے مطابق سی سی ڈی اقبال ٹاؤن کے ساتھ مقابلے میں اپنے ہی ساتھیوں کی فائرنگ سے ہلاک ہونے والے ملزمان میں اصغر علی اور عثمان شامل ہیں۔
زیر حراست ملزمان کو برآمدگی کیلئے لے جایا جا رہا تھا جب ان کے ساتھیوں نے فائرنگ کر دی، ملزمان کی فائرنگ سے پولیس اہلکار محفوظ رہے، ملزمان کی لاشیں ہسپتال منتقل کر دی گئی ہیں۔
خیال رہے کہ اس سے قبل چوہنگ کے علاقے میں مبینہ پولیس مقابلے کے دوران زیر حراست ملزم محمد آصف ہلاک ہو گیا تھا، پولیس کا کہنا ہے کہ سی سی ڈی ٹیم ملزم کو تفتیش کیلئے لے کر جا رہی تھی جب اس کے ساتھیوں نے اسے چھڑوانے کی کوشش میں اچانک حملہ کر دیا۔
پولیس کے مطابق فائرنگ کے تبادلے کے دوران زیر حراست ملزم آصف اپنے ہی ساتھیوں کی گولیوں کا نشانہ بن کر موقع پر ہلاک ہو گیا، واقعہ کے بعد پولیس نے لاش کو ضروری کارروائی کیلئے مردہ خانہ منتقل کر دیا۔
