روہت شرما نے پاک بھارت سیریز کا مطالبہ کردیا
ممبئی: (ویب ڈیسک) بھارتی کرکٹ ٹیم کے کپتان روہت شرما نے پاکستان اور بھارت کے درمیان ٹیسٹ سیریز کی حمایت کردی۔
سابق انگلش کپتان مائیکل وان نے اپنے پوڈ کاسٹ میں روہت شرما سے سوال کیا کہ بھارت کا پاکستان کے ساتھ تسلسل سےکھیلنا ٹیسٹ کرکٹ کے لیےاچھا ہے؟، جس پر روہت شرما نے کہا کہ بلکل ایسا ہونا چاہیے، پاکستان ایک اچھی ٹیم ہے۔
روہت شرما کا کہنا تھا کہ آخری بار پاکستان اور بھارت کے درمیان ٹیسٹ میچ 2007 میں ہوا تھا، میں پاک بھارت مقابلوں کا حامی ہوں، پاک بھارت مقابلے کرکٹ کے لیے بہت اہم ہیں، میں جو کہہ رہا ہوں وہ صرف کرکٹ کی حد تک ہے، اس کے علاوہ کچھ نہیں۔
ان کا کہنا تھا کہ گیند بلے میں مقابلہ ہو اور پاکستان بھارت آمنے سامنے ہوں تومزہ آتا ہے، میں آئی سی سی ٹورنامنٹ نہیں بلکہ پاکستان کے ساتھ باہمی سیریز چاہتا ہوں، پاکستان کا بولنگ اٹیک بہترین ہے، پاک بھارت مقابلہ اگر تیسرے ملک کی کنڈیشنز میں ہوں تو بہت اچھے میچز ہوں گے۔
واضح رہے کہ پاکستان اور بھارت کی ٹیمیں 2007 میں بنگلورو کے میدان میں ریڈ بال کرکٹ میں ان ایکشن ہوئیں تھیں جبکہ دونوں کے درمیان اگلا ٹاکرا ٹی 20 ورلڈ کپ کے دوران 9 جون کو نیو یارک میں شیڈول ہے۔
