برطانیہ میں لیبر پارٹی کی جیت پر روس کا ردعمل سامنے آگیا
ماسکو: (ویب ڈیسک) برطانیہ میں لیبر پارٹی کے اقتدار میں آنے پر روس نے ردعمل کا اظہار کرتے ہوئے کہا ہے کہ لیبر پارٹی کی جیت کے بعد بھی برطانیہ دشمن ریاست ہی رہے گی۔
ماسکو میں کریملن کی جانب سے جاری ردعمل میں مزید کہا گیا ہے کہ لیبر پارٹی کی طرف سے روس سے تعلقات میں بہتری کی کوئی خواہش نہیں دکھائی دیتی، روس برطانیہ کو دشمن ریاست کی طرح ہی دیکھے گا۔
دوسری جانب خبر ایجنسی کا کہنا ہے کہ برطانیہ کی لیبر پارٹی روس کے خلاف یوکرین کی حمایت جاری رکھنے کا اشارہ دے چکی ہے۔
