شیخوپورہ: دیرینہ دشمنی پر فائرنگ، خاتون اور بچے سمیت 3 افراد قتل، ایک زخمی
شیخوپورہ: (دنیا نیوز) شیخوپورہ میں دیرینہ دشمنی پر فائرنگ سے خاتون اور 6 سالہ بچے سمیت تین افراد قتل جبکہ ایک زخمی ہو گیا۔
پولیس کے مطابق فائرنگ کا افسوسناک واقعہ شیخوپورہ کے نواحی علاقے کرلکے مینارہ میں پیش آیا، مقتول طارق نے کچھ عرصہ قبل اپنے چچا کو قتل کیا تھا، طارق ضمانت پر رہا ہو کر آیا تو ملزمان علی رضا وغیرہ نے گھر پر فائرنگ کردی۔
فائرنگ کے نتیجے میں طارق، ایک خاتون اور 6 سالہ بچہ جان کی بازی ہار گئے، واقعہ میں ایک شخص زخمی بھی ہوا جسے علاج معالجہ کیلئے ہسپتال منتقل کردیا گیا جبکہ ملزمان فائرنگ کے بعد فرار ہو گئے۔
واقعہ کی اطلاع ملتے ہی پولیس کی بھاری نفری نے جائے وقوعہ پر پہنچ کر تفتیش کا آغاز اور ملزمان کی تلاش شروع کردی۔
