نیشنل گیمز، دوران میچ جھگڑے پر 12 کھلاڑی ایونٹ سے باہر
کراچی: (دنیا نیوز) نیشنل گیمز میں فٹبال میچ کے دوران جھگڑے کے باعث 12 کھلاڑیوں کو ایونٹ سے باہر کر دیا گیا۔
گزشتہ روز فٹبال میچ کے دوران پاکستان آرمی اور واپڈا کے کھلاڑیوں میں جھگڑا ہوا، نیشنل گیمز کے سیمی فائنل میں جھگڑے پر پاکستان فٹبال فیڈریشن نے ایکشن لے لیا۔
پاکستان فٹبال فیڈریشن نے 12 کھلاڑیوں پر ایونٹ میں مزید شرکت پر پابندی لگا دی، اس کے ساتھ اسسٹنٹ کوچ زاہد حمید اور آفیشل ندیم عبدالرحمان کو بھی ٹورنامنٹ سے معطل کر دیا گیا۔
