بالی ووڈ اداکارہ نے سوریا کمار سے متعلق بیان پر وضاحت پیش کر دی
ممبئی: (ویب ڈیسک) بالی ووڈ اداکارہ خوشی مکھرجی نے ٹی 20 کرکٹ ٹیم کے کپتان سوریا کمار یادیو سے متعلق دیئے گئے بیان پر وضاحت پیش کردی۔
خوشی مکھرجی نے کہا کہ سوریا کمار یادیو سے کوئی رومانوی تعلق نہیں تھا اور میرے بیان کو غلط تناظر میں پیش کیا گیا۔
خوشی مکھرجی نے یہ بھی دعویٰ کیا کہ ان کا انسٹاگرام اکاؤنٹ ہیک ہوگیا تھا۔
خیال رہے کہ اس سے قبل ایک تقریب میں خوشی مکھرجی نے بتایا تھا کہ میرے پیچھے بہت سے کرکٹرز ہیں لیکن میں کسی کرکٹر کو ڈیٹ نہیں کرنا چاہتی، انہوں نے دعویٰ کیا تھا کہ سوریا کماریادیو بھی ان ہی میں سے ایک ہیں، وہ مجھے بہت میسجز کیا کرتے تھےلیکن اب ہم زیادہ بات نہیں کرتے۔
دوسری جانب سوریا کمار یادیو کی جانب سے ان دعوؤں کا فی الحال کوئی جواب نہیں دیا گیا ہے۔
