بابراعظم کا بگ بیش لیگ میں سفر ختم، پی سی بی نے واپس بلا لیا
لاہور: (ویب ڈیسک) قومی کرکٹر بابر اعظم کا آسٹریلیا کی بگ بیش لیگ میں سفر ختم ہوگیا۔
پاکستان کرکٹ بورڈ (پی سی بی) نے آسٹریلیا کے خلاف سیریز کیلئے بابراعظم کو وطن واپس بلا لیا، وہ بقیہ میچز میں سڈنی سکسرز کو دستیاب نہیں ہوں گے۔
پی سی بی حکام کا کہنا ہے کہ بابراعظم کی واپسی قومی ذمہ داریوں کے پیش نظر عمل میں لائی گئی ہے، جبکہ وہ جلد قومی ٹیم کے تربیتی کیمپ میں رپورٹ کریں گے۔
— Sydney Sixers (@SixersBBL) January 22, 2026
اس حوالے سے بابر اعظم کا کہنا ہے کہ سڈنی سکسرز کا حصہ بن کر بہت انجوائے کیا، پرستاروں کی محبت اور سپورٹ پر بہت مشکور ہوں، اب نیشنل ڈیوٹی کا وقت اگیا ہے، بگ بیش کھیل کر بہت کچھ سیکھنے کا موقع ملا۔
انہوں نے کہا کہ یہاں گزرنے والا وقت ہمیشہ یاد رہے گا، سڈنی سکسرز کے اگلے میچ کیلئے دعا گو ہوں۔
— Sydney Sixers (@SixersBBL) January 22, 2026
واضح رہے کہ بابر اعظم نے 11 میچز میں 202 رنز بنائے جس میں 3 چھکے اور 19 چوکے شامل تھے، بابر اعظم کی رخصتی کے ساتھ بگ بیش لیگ سے پاکستان کے تمام کھلاڑی باہر ہوگئے ہیں۔
