انگلینڈ کرکٹ ٹیم کے کھلاڑیوں نے گولف کلب میں دن گزارا
لاہور: (ویب ڈیسک) انگلینڈ کرکٹ ٹیم کے کھلاڑیوں اور ٹیم مینجمنٹ کے ارکان نے مقامی کلب میں گولف کھیل کر دن گزارا۔
انگلینڈ سکواڈ نےگزشتہ روز کرکٹ ٹریننگ نہ کرنے کا فیصلہ کیا تھا، جس کے بعد مہمان کھلاڑیوں نے گولف کھیل کر وقت گزارا اور تازہ دم ہوئے۔
انگلینڈ کرکٹ ٹیم نے جمعرات کو سری لنکا کے خلاف میچ کھیلنا ہے، مہمان ٹیم سہ ملکی ون ڈے سیریز میں اب تک تینوں میچز ہار چکی ہے۔
— Pakistan Cricket (@TheRealPCB) October 26, 2026
انگلینڈ ٹیم کے لیے سری لنکا کے خلاف میچ سیریز میں پہلی کامیابی حاصل کرنے کا موقع ہوگا جبکہ ایونٹ میں آج پاکستان اور سری لنکا کے درمیان مقابلہ ہوگا۔
ایونٹ میں پاکستانی ٹیم فائنل کیلئے کوالیفائی کرچکی ہے جبکہ سری لنکن ٹیم کو فیصلہ کن معرکے تک رسائی کیلئے یہ میچ جیتنا ہوگا۔
Comments / رائے دیں
Share your thoughts. Comments are reviewed before they appear publicly.
Approved Comments