آج کے دور میں خواتین ہر شعبہ میں اپنا سکہ منوا رہی ہیں: عائلہ مجید
لندن:(حسیب ارسلان) دنیا کے معتبر ترین ادارے پروفیشنل اکاؤنٹنسی باڈی ایسوسی ایشن آف چارٹرڈ سرٹیفائیڈ اکاؤنٹنٹس (اے سی سی اے)کی پہلی مسلم پاکستانی صدر منتخب ہونے والی عائلہ مجید نے کہا ہے کہ آج کے دور میں خواتین ہر شعبہ میں اپنا سکہ منوا رہی ہیں۔
’دنیا نیوز‘ سے خصوصی گفتگو کرتے ہوئے نومنتخب صدر اے سی سی اے عائلہ مجید کا کہنا تھا کہ دنیا میں کوئی ایسا شعبہ نہیں جہاں خواتین کام نہ کر سکیں، مجھے پاکستان سٹاک ایکسچینج میں بطور پہلی خاتون بورڈ ممبر کام کرنے کا اعزاز بھی حاصل ہے۔
واضح رہے عائلہ مجید 120 برسوں میں اے سی سی اے کی پہلی مسلم صدر اور پاکستانی خاتون ہیں جنہوں نے یہ منفرد اعزاز اپنے نام کیا ہے۔
