عمران خان کی صحت پر کوئی سمجھوتہ نہیں کریں گے، اسد قیصر
اسلام آباد: (دنیا نیوز) سابق سپیکر قومی اسمبلی اسد قیصر نے کہا ہے کہ بانی پی ٹی آئی عمران خان کی صحت پر کوئی سمجھوتہ نہیں کریں گے۔
سابق سپیکر قومی اسمبلی اسد قیصر نے پارلیمنٹ ہاؤس دھرنے سے پیغام میں کہا کہ ہمارا دھرنا بانی پی ٹی آئی کی صحت کیلئے ہے، عمران خان کو ہسپتال منتقل کیا جائے۔
انہوں نے کہا کہ ہم 3 دن سے ادھر پارلیمنٹ ہاؤس میں ہیں، 30 سال تحریکِ انصاف میں بہت بڑی جدوجہد کی ہے، ہم ایک مقصد کیلئے جدوجہد کر رہے ہیں، بانی پی ٹی آئی کے ساتھ ہمارا جو تعلق اور رشتہ ہے وہ بھی ایک مقصد کیلئے ہے۔
اسد قیصر کا مزید کہنا تھا کہ محمود خان اچکزئی نے تمام اراکینِ قومی و صوبائی اسمبلی کو مشاورت کیلئے بلایا، مشاورت سے یہ فیصلہ ہوا کہ ہم نے پارلیمنٹ کے سامنے دھرنے پر بیٹھنا ہے۔
