اسحاق ڈار کا سعودی وزیر خارجہ سے رابطہ، علاقائی صورتحال پر تبادلہ خیال
اسلام آباد: (دنیا نیوز) نائب وزیراعظم و وزیر خارجہ اسحاق ڈار کی سعودی وزیر خارجہ شہزادہ فیصل بن فرحان سے ٹیلیفونک گفتگو ہوئی۔
ترجمان دفتر خارجہ کے مطابق گفتگو میں دونوں وزرائے خارجہ نے علاقائی و عالمی صورتحال پر تبادلہ خیال کیا، جبکہ کثیرالجہتی فورمز پر باہمی دلچسپی کے امور بھی زیر بحث آئے۔
ترجمان کے مطابق پاکستان سمیت 8 ممالک نے اسرائیلی وزراء کی جانب سے غزہ سے فلسطینیوں کی بے دخلی سے متعلق بیانات کی شدید مذمت کی ہے۔
ٹیلیفونک گفتگو میں مکہ دفاعی معاہدے کی اسٹریٹجک سیاسی و دفاعی کمیٹی کے استنبول اجلاس میں طے پانے والی مفاہمت پر بھی بات چیت ہوئی، جبکہ اس پر عملدرآمد کا جائزہ لیا گیا۔
Comments / رائے دیں
Share your thoughts. Comments are reviewed before they appear publicly.
Approved Comments