توانائی ذخیرہ کرنے والا نئی قسم کا سیمنٹ تیار
میساچیوسٹس: (ویب ڈیسک) سائنسدانوں نے توانائی ذخیرہ کرنے والا ایک نئی قسم کا سیمنٹ بنایا ہے جو پورے گھر کو ایک بڑی بیٹری بنانے کی صلاحیت رکھتا ہے۔
میساچیوسٹس اِنسٹیٹیوٹ آف ٹیکنالوجی (ایم آئی ٹی) کے محققین کو تحقیق میں یہ معلوم ہوا کہ پانی اور سیمنٹ کے مرکب میں کاربن بلیک نامی مواد ملا کر تعمیری میٹیریل کو ایک سپر کیپیسیٹر کے طور پر استعمال کیا جا سکتا ہے۔
عموماً سپر کیپیسیٹر انتہائی مؤثر طریقے سے چارج اور ڈس چارج کئے جا سکتے ہیں لیکن طویل عرصے تک توانائی کو ذخیرہ کرنے کے قابل نہیں ہوتے، لہٰذا جہاں وہ روایتی لیتھیئم آئن بیٹری جیسی صلاحیت نہیں رکھتے، یہ قابلِ تجدید توانائی کے ذرائع بنائی گئی اضافی بجلی کو ذخیرہ کرنے کیلئے کارگر طریقہ ہوتے ہیں۔
یہ ٹیکنالوجی سب سے پہلے گزشتہ برس سامنے لائی گئی تھی لیکن ٹیم نے اب ایک فعال کنکریٹ بیٹری کا خیال تشکیل دیا ہے، ایم آئی ٹی محققین ایک 45 مکعب میٹر بنانے کی کوشش کر رہے ہیں جو ایک گھر کو مطلوب توانائی پیدا کرنے کی صلاحیت رکھتی ہوگی۔
محققین کے مطابق اس مٹیریل کو گھروں کی کنکریٹ کی بنیادوں میں بغیر کسی اضافی لاگت کے بنایا جا سکے گا جبکہ اس کو سڑکوں کے اطراف بھی بنایا جا سکتا ہے تاکہ برقی گاڑیوں کو وائرلیس طریقے سے چارج کیا جا سکے۔
