فری لانسرز کیلئے وی پی این رجسٹریشن کی نئی سہولت متعارف
اسلام آباد: (حریم جدون) پاکستان ٹیلی کمیونیکیشن اتھارٹی (پی ٹی اے) نے ملک میں فری لانسرز کیلئے وی پی این رجسٹریشن کی نئی سہولت متعارف کرا دی۔
پاکستان ٹیلی کمیونی کیشن اتھارٹی (پی ٹی اے) نے موبائل نمبر کے ذریعے وی پی این رجسٹریشن کی سہولت دے دی جس کے بعد سٹیٹک آئی پی ایڈریس نہ رکھنے والے فری لانسرز اس سہولت کو استعمال کرتے ہوئے موبائل نمبر کے ذریعے وی پی این رجسٹریشن کروا سکیں گے۔
فری لانسرز اپنے موبائل ڈیٹا کنکشن پر وی پی این استعمال کرنے کے لیے پی ٹی اے کے ساتھ اپنا موبائل نمبر رجسٹر کروا سکتے ہیں، رجسٹریشن کے لیے لنک: https://ipregistration.pta.gov.pk کو استعمال کیا جائے گا۔
پی ٹی اے کے مطابق یہ سہولت آئی ٹی کے شعبے کی ترویج اور وی پی این رجسٹریشن کے عمل کو آسان بنانے کے لیے دی گئی ہے، اب تک پی ٹی اے کے ذریعے 31000 سے زائد وی پی اینز رجسٹر کیے جا چکے ہیں۔
