یورپی یونین نے ’ ایکس‘ پر بھاری جرمانہ عائد کردیا
کیلی فورنیا:(دنیا نیوز) یورپی یونین نے سوشل میڈیا پلیٹ فارم ایکس پر 12 کروڑ یورو جرمانہ عائد کردیا ہے۔
یورپی کمیشن کے مطابق ’ایکس‘ نے اپنے بلیو بیجز کے ’گمراہ کن‘ ڈیزائن کے ذریعے صارفین کو دھوکہ دیا، یہ بیجز 2022 میں ایلون مسک کی کمپنی خریداری کے بعد پیڈ فیچر میں تبدیل کیے گئے تھے۔
کمیشن نے کمپنی سے مطالبہ کیا تھا کہ ایکس مشتہرین کی واضح فہرست فراہم کرے تاکہ دھوکہ دہی، جعلی اشتہارات اور سیاسی مہمات کے دوران شفافیت یقینی ہو، لیکن ’ایکس‘ اس میں ناکام رہی، مزید یہ کہ کمپنی محققین کے سامنے دستیاب پبلک ڈیٹا پیش کرنے میں بھی ناکام رہی۔
خیال رہے یہ جرمانہ یورپی یونین کی ڈیجیٹل سروس ایکٹ کے تحت 2 سالہ تحقیق کے بعد عائد کیا گیا ہے، تاہم غیر قانونی مواد اور گمراہ کن معلومات کی روک تھام کے لیے تحقیقات جاری ہیں۔
