ایمازون کا بھارت میں 35 ارب ڈالر کی نئی سرمایہ کاری کا اعلان
کیلیفورنیا: (ویب ڈیسک) ایمازون نے بھارت میں 2030ء تک 35 ارب ڈالر سے زائد سرمایہ کاری کا اعلان کیا ہے جس کے نتیجے میں 1 ملین ملازمتیں پیدا ہونے کا امکان ہے۔
ایمازون کمپنی کے مطابق یہ سرمایہ کاری اس کے پچھلے 15 برسوں میں بھارت میں لگائے گئے تقریباً 40 ارب ڈالر کے علاوہ ہے۔
ایمازون کا کہنا ہے کہ وہ بھارت بھر میں فزیکل اور ڈیجیٹل انفراسٹرکچر کو مزید وسعت دے گا جس میں فُل فلمنٹ سینٹرز، ٹرانسپورٹ نیٹ ورکس، ڈیٹا سینٹرز، ڈیجیٹل پیمنٹ سسٹمز اور جدید ٹیکنالوجی پلیٹ فارمز کی توسیع شامل ہے۔
تازہ معاشی جائزوں کے مطابق ایمازون بھارت میں اب تک 12 ملین سے زائد چھوٹے کاروباروں کو آن لائن لانے میں معاونت فراہم کر چکا ہے۔
ایمازون نے بھارت کے مختلف شعبوں میں تقریباً 28 لاکھ ملازمتیں بھی پیدا کی ہیں۔
