اسرائیلی فورسز کی وحشیانہ جارحیت جاری، خواتین اور بچوں سمیت 120 فلسطینی شہید
غزہ: (دنیا نیوز) اسرائیل فورسز کی غزہ میں وحشیانہ جارحیت برقرار، قابض فوج کی بے گھر فلسطینیوں کے سکولوں اور خیموں پر بمباری جاری۔
عرب میڈیا کے مطابق صیہونی حملوں میں خواتین اور بچوں سمیت 120 فلسطینی شہید، درجنوں زخمی ہو گئے۔
جنوبی غزہ میں خان یونس پر اسرائیلی حملوں میں 10 فلسطینی شہید دیگر زخمی ہوگئے، بیت حانون پر اسرائیلی حملے میں چھ فلسطینی شہید ہو گئے۔
عرب میڈیا کے مطابق اسرائیل نے جنوبی غزہ میں مقیم ہزاروں فلسطینیوں کوجبری بے دخلی کے احکامات بھی جاری کر دیئے۔
انروا اقوام متحدہ کا کہنا ہے کہ اسرائیلی فوج روزانہ 100 فلسطینی بچوں کو شہید کر رہی ہے۔
اسرائیلی آباد کاروں نے مقبوضہ مغربی کنارے میں فلسطینی کمیونٹی پر بھی حملہ کیا، فلسطینیوں کے گھروں ،گاڑیوں اور کھیتوں کو نقصان پہنچایا گیا۔
عرب میڈیا کے مطابق شہدا کی مجموعی تعداد 50 ہزار 669 ہوگئی،1 لاکھ 15 ہزار 225 فلسطینی زخمی ہیں۔
حماس کا کہنا ہے کہ اسرائیلی جارحیت یرغمالیوں کے لیے انتہائی خطرناک ہو سکتی ہے۔
