پاکستان سمیت مختلف ممالکت کیلئے امریکی امیگرنٹ ویزا سروس 21 جنوری سے معطل
واشنگٹن: (دنیا نیوز) امریکی محکمہ خارجہ نے کہا ہے کہ 21 جنوری سے پاکستان سمیت دیگر ملکوں کے درخواست دہندگان کیلئے امیگرنٹ ویزا سروس معطل کر دی جائے گی۔
پاکستان میں امریکی سفارت خانے نے ایک بیان میں کہا ہے کہ ٹرمپ انتظامیہ کی توجہ اعلیٰ معیار یقینی بناتے ہوئے امریکی عوام کے تحفظ پر مرکوز ہے، امیگرنٹ ویزا معطلی نئے درخواست گزاروں کی مکمل جانچ پڑتال کے عمل تک جاری رے گی۔
جاری بیان میں کہا گیا کہ امیگرنٹ ویزا درخواست گزاروں کو امریکی ویزا کیلئے اپنی مکمل اہلیت ثابت کرنا ہوگی، درخواست گزاروں کو یقین دہانی کروانا ہو گی کہ وہ سرکاری معاونت پر انحصار نہیں کریں گے۔
امریکی سفارتخانے نے واضح کیا کہ یہ یہ اقدام صرف امیگرنٹ ویزا کے اجرا تک محدود ہے، نان امیگرنٹ ویزا درخواستوں پر اس فیصلے کا اطلاق نہیں ہو گا، سیاحوں، طالب علموں، کھلاڑیوں، ہُنر مند افرادی قوت اور ان کے اہل خانہ کیلئے ویزوں کا اجرا جاری رہے گا۔
