روس اور چین کا دفاعی اتحاد، ایران، وینزویلا پر مشترکہ حکمت عملی اپنانے کا فیصلہ
ماسکو: (دنیا نیوز) روس چین کا دفاعی اتحاد ہوگیا، ایران اور وینزویلا پر مشترکہ حکمت عملی اپنانے کا فیصلہ کر لیا گیا۔
روسی وزیر دفاع کا چینی ہم منصب سے ویڈیو لنک پر رابطہ ہوا، دونوں رہنماؤں نے عالمی سکیورٹی کی بدلتی صورتحال پر گہری تشویش کا اظہار کیا۔
روسی وزیر دفاع بیلوسوف نے کہا کہ دونوں کو عالمی سکیورٹی صورتحال کا تجزیہ کرتے رہنا چاہئے، عالمی ماحول میں تیز تبدیلیوں کے پیش نظر مشترکہ جوابی اقدامات ضروری ہیں، مستقل فوجی تعاون اور تجربات کا تبادلہ دونوں ممالک کے لئے ناگزیر ہے، خطرے کا بروقت اور مؤثر جواب دینے کے لئے ہم آہنگی ضروری ہے۔
چینی وزیر دفاع ڈونگ جون نے روسی ہم منصب کے مؤقف کی مکمل تائید کی، چینی وزیر دفاع نے سٹریٹجک تعلقات مزید مضبوط بنانے، ہنگامی صورتحال میں مشترکہ رو عمل پر زور دیا۔
