بلغاریہ :بم حملے کی دھمکی ملنے پر درجنوں سکول بند
صوفیہ (اے ایف پی)بم حملے کی دھمکی ملنے پر بلغاریہ کے دارالحکومت میں درجنوں سکول بند کر دیئے گئے ۔
مقامی حکام کے مطابق بم حملے کی دھمکی ای میل پر موصول ہوئی، جس میں کہا گیا کہ جلد تمہارے تمام سکول دھماکے سے اڑ جائیں گے ۔ وزیر داخلہ نے پارٹنر ممالک انٹیلی جنس ایجنسیوں سے درخواست کی کہ وہ اس قسم کی دھمکیوں میں ملوث عناصر کی نشاندہی کیلئے ہمارے ساتھ تعاون کریں۔