نئی دہلی :تاریخی شاہی عید گاہ میں نماز عید کی ادائیگی پر پابندی
نئی دہلی (اے پی پی)بھارتی حکومت نے نئی دہلی کے علاقے مہرولی میں تاریخی شاہی عیدگاہ میں عید کی نماز کی ادائیگی پر پابندی عائد کر دی ۔
کے ایم ایس کے مطابق اس فیصلے سے مسلمانوں میں تشویش کی لہر پیدا ہو گئی ۔ مسلمانوں نے پولیس حکام کو اس حوالے سے دو درخواستیں بھی دیں جو انہوں نے مسترد کر دی ہیں۔عیدگاہ کمیٹی کے ایک رکن نے کہا کہ ہم نے پولیس سے نماز پر پابندی کی وجہ پوچھی تاہم وہ کوئی تسلی بخش جواب نہیں دے سکی۔مسلمان رہنما مولانا نصرالدین نے بھی فیصلے پر شدید مایوسی ظاہر کی ہے ۔ شاہی عید گاہ کی انتظامی کمیٹی کے رکن محمد شوکت نے کہا پہلی بار اس طرح کی پابندی کا نفاذ کیا گیا ہے جس پر مسلمان حیران ہیں ۔
روزنامہ دنیا ایپ انسٹال کریں
