انگلینڈ:تنخواہ کے تنازع پر جونیئر ڈاکٹروں کی پانچ روزہ ہڑتال
لندن(مانیٹرنگ ڈیسک)تنخواہ کے تنازع پر انگلینڈ کے جونیئر ڈاکٹروں نے پانچ روزہ ہڑتال شروع کردی۔
جونیئر ڈاکٹروں کی ہڑتال سے ہسپتالوں میں معمول کی خدمات متاثر ہوگئیں ۔ عام انتخابات سے قبل جونیئر ڈاکٹروں کے ہڑتال پر جانے پر این ایچ ایس قیادت نے تنقید کی ہے ۔ انہوں نے کہا ہے کہ ہڑتال کیلئے یہ مناسب وقت نہیں۔ اس وقت کوئی سیاسی جماعت یہ تنازع حل نہیں کرسکتی۔ جونیئر ڈاکٹر تنخواہوں میں 35 فیصد اضافے کا مطالبہ کر رہے ہیں۔ واضح رہے کہ حکومت نے گزشتہ مالی سال جونیئر ڈاکٹروں کی تنخواہیں 9 فیصد بڑھائی تھیں۔
روزنامہ دنیا ایپ انسٹال کریں
