بھارتی فضائیہ کا جنگی طیارہ گرکر تباہ،پائلٹ محفوظ
نئی دہلی (دنیا نیوز)بھارتی فضائیہ کا جنگی طیارہ دوران پرواز گر کر تباہ ہوگیا۔بھارتی میڈیا کے مطابق فضائیہ کا مِگ 29 جنگی طیارہ آدم پور کے فضائی اڈے سے اڑان بھر کر مشقوں کے لیے آگرہ جارہا تھا۔
آگرہ کے نزدیک طیارہ زمین پر آگرا جس کے بعد طیارے میں آگ لگ گئی۔ پائلٹ طیارے سے باحفاظت نکلنے میں کامیاب رہا۔ حادثے کی وجوہات جاننے کیلئے تحقیقات شروع کردی گئی ہیں جبکہ واقعے کی ویڈیو سوشل میڈیا پر بھی گردش کررہی ہے ۔
روزنامہ دنیا ایپ انسٹال کریں
