مودی سرکار کی مسلم دشمنی ،انڈیا میں اسرائیل کے حق میں ریلی
نئی دہلی (آن لائن)بھارت میں انتہا پسند ہندوؤں کی اسرائیل کے حق میں ریلی سے مودی حکومت کی مسلم دشمنی بے نقاب ہوگئی۔انتہا پسند ہندوؤں نے ریلی میں نعرے لگائے کہ جو حماس کا یار ہے ، وہ ہمارا غدار ہے ، اسرائیل ہم تمہارے ساتھ ہیں۔
تجزیہ کاروں کے مطابق انتہا پسند ہندوؤں کی یہ ریلی درحقیقت بھارت اور اسرائیل کے درمیان بڑھتے ہوئے خفیہ گٹھ جوڑ کی عکاس ہے ۔ایسی نفرت انگیز ریلیاں بھارت کو اسرائیل کا خاموش پارٹنر نہیں بلکہ ایک فعال حمایتی کے طور پر پیش کرتی ہیں۔غزہ کے بعد ایران میں معصوم لوگوں کے قتل پر خاموشی مودی سرکار کی اسرائیلی ظلم کی پشت پناہی واضح کرتی ہے ۔ بھارتی وزیراعظم مودی کا اسرائیلی وزیراعظم سے ٹیلی فون پر رابطہ قائم ہے ،بھارتی وزیراعظم نے ایک بار پھر اسرائیلی جارحیت کی کوئی مذمت نہیں کی۔
روزنامہ دنیا ایپ انسٹال کریں
