وزیراعظم ہماری ضرورت ہے تو ہم حاضر ہیں:عاطف اسلم
اپنی استطاعت کے مطابق اپنے اردگرد موجود لوگوں کی مدد ضرور کریں :گلوکار
لاہور (لیڈی رپورٹر سے) گلوکار عاطف اسلم نے سوشل میڈیا پر ایک ویڈیو جاری کی ہے جس میں انہوں نے وزیر اعظم عمران خان کا شکریہ ادا کیا۔عاطف اسلم نے اپنے ویڈیو پیغام میں کہا کہ وزیر اعظم عمران خان کورونا وائرس کی وبا سے جس طرح نمٹ رہے ہیں وہ قابل تعریف ہے ،اگروزیراعظم کو ہماری کسی قسم کی مدد کی ضرورت ہو تو اس کیلئے ہم بالکل تیار ہیں۔ عاطف اسلم کا کہنا تھا کہ جس کی جتنی استطاعت ہے وہ اپنی استطاعت کے حساب سے اپنے اردگرد ایسے لوگوں کو دیکھے جن کو اِس مشکل گھڑی میں مدد کی ضرورت ہے ، آپ اُن کی ضرور مدد کریں ۔
روزنامہ دنیا ایپ انسٹال کریں
