کورونا وائرس جینیفر لوپیز کی چوتھی شادی میں رکارٹ بن گیا
ساری دنیا اس وقت رک گئی ہے اور انتظار کررہی ہے ،ہم بھی یہی کررہے ہیں:گلوکارہ
لاس اینجلس (شوبز ڈیسک)کورونا وائرس کے باعث دنیا بھر میں کئی بڑے اجتماعات موخر اور منسوخ ہو رہے ہیں وہیں امریکی اداکارہ و گلوکارہ جینیفر لوپیز عرف جے لو کی ایلکس روڈرگیوز کیساتھ چوتھی شادی بھی تاخیر کا شکار ہوگئی۔جینیفر لوپیز نے ایک انٹرویو میں واضح کیا کہ کورونا وائرس کے باعث ان کی شادی کا منصوبہ بھی متاثر ہواہے۔ان کا کہنا تھا کہ جیسے ساری دنیا اس وقت رک گئی ہے اور انتظار کررہی ہے کہ کب اس وبا سے نجات ملے گی،ویسے ہی ہم بھی بس انتظار کررہے ہیں، کچھ ماہ انتظار کریں گے اور پھر سوچیں گے کہ آگے کیا کرنا ہے ۔
روزنامہ دنیا ایپ انسٹال کریں
