سیف کی فلم کے اعلان کے پہلے روز ہی سیٹ پر آتشزدگی
بالی ووڈ کے اداکار سیف علی خان اورپربھاس کی فلم ‘ادی پورش’ کے ممبئی میں لگائے گئے سیٹ پر آتشزدگی کا واقعہ پیش آیا ہے
ممبئی(شوبز ڈیسک) رپورٹس کے مطابق ممبئی کے علاقے گورے گاؤں میں فلم کے سٹوڈیو میں اچانک آگ بھڑک اٹھی جس نے دیکھتے ہی دیکھتے بڑے حصے کو گھیرے میں لے لیا۔ آتشزدگی کے وقت سٹوڈیو میں 100 سے زائد افراد موجود تھے جنہیں فوری طور پر ریسکیو کیا گیا تاہم سٹوڈیو کو کافی مالی نقصان کا سامنا کرنا پڑا۔رپورٹس میں کہا گیا کہ ابتدائی طور پر سیٹ پر آگ شارٹ سرکٹ کے باعث لگی تاہم واقعے کی تحقیقات کی جارہی ہیں۔واضح رہے کہ اداکار سیف علی خان اپنی ویب سیریز ‘تانڈو’ کے باعث ہندو انتہا پسندوں کے نشانے پر ہیں۔
روزنامہ دنیا ایپ انسٹال کریں
