رنگینیوں میں جینے کیلئے دل کا بچہ ہونا ضروری:صبا قمر
اداکارہ صبا قمر کا کہنا ہے کہ انسان کو اپنا دل بچہ ہی رکھنا چاہیے کیونکہ زندگی کی رنگینیوں میں جینے کیلئے دل کا بچہ ہونا ضروری ہے
کراچی (سٹاف رپورٹر)اداکارہ نے حال ہی میں ایک مختصر دلچسپ ویڈیو اپنے سوشل میڈیا اکاؤنٹ کی زینت بنائی جس میں انہیں اپنا کوٹ کاندھوں پر ڈالے تفریحاً ڈانس کرتے دیکھا جاسکتا ہے ۔انہوں نے اپنی پوسٹ کے کیپشن میں لکھا کہ ‘میں ابھی تک دل سے بچی ہوں، کیونکہ دل کا ایسا ہونا بہت ضروری ہے ۔’اداکارہ نے کہا کہ اگر آپ ایسے نہیں رہتے تو میرے خیال سے آپ زندگی کی بہت سی اچھی چیزوں سے محروم رہ جاتے ہیں۔اداکارہ آج کل اپنے نئے پراجیکٹ ‘تمہارے حُسن کے نام’ کی شُوٹنگ میں مصروف ہیں، وہ سیٹ سے مختلف ویڈیوز و تصاویر شیئر کرتی رہتی ہیں۔
روزنامہ دنیا ایپ انسٹال کریں
