رنبیر کپور’آن لائن سٹے بازی‘کیس میں طلب
ممبئی(این این آئی)اداکار رنبیر کپور کو آن لائن سٹے بازی کیس میں انفورسمنٹ ڈائریکٹوریٹ تحقیقاتی ایجنسی نے طلب کرلیا ہے۔
بھارتی میڈیا کے مطابق رنبیر کپور کو پوچھ گچھ کے لیے 6 اکتوبر کو طلب کیا گیاہے۔ رپورٹ میں بتایا گیا کہ رنبیر کپور کے علاوہ کم از کم 15 سے 20 مشہور شخصیات تحقیقاتی ایجنسی کے سکینر کی زد میں ہیں، جن میں پاکستانی گلوکار عاطف اسلم، راحت فتح علی خان، نیہا ککڑ، بھارتی سنگھ، علی اصغر، ٹائیگر شروف اور سنی لیون سمیت دیگر شخصیات شامل ہیں۔مہادیو بک ایپ، ایک آن لائن سٹے بازی کا پلیٹ فارم ہے جس کی بھارتی پولیس اور تحقیقاتی ایجنسی کی جانب سے جانچ پڑتال کی جارہی ہے جبکہ گزشتہ ماہ انفورسمنٹ ڈائریکٹوریٹ تحقیقاتی ایجنسی نے آن لائن سٹے بازی کیس کے سلسلے میں بھارتی 417 کروڑ کے اثاثے ضبط کیے تھے۔
روزنامہ دنیا ایپ انسٹال کریں
