ہالی ووڈ صحت کیلئے اچھی جگہ نہیں،چھوڑنا چاہتی ہوں:انجلینا
لاس اینجلس(شوبز ڈیسک)ہالی ووڈ اداکارہ انجلینا جولی کا کہنا ہے کہ ہالی ووڈ صحت کے لیے اچھی جگہ نہیں ہے اس لیے میں ہالی ووڈ چھوڑنا چاہتی ہوں۔
انجلینا جولی نے اپنے ایک حالیہ انٹرویو میں کہا کہ میری صحت طویل عرصے سے ٹھیک نہیں ہے ، میرا جسم ذہنی دباؤ برداشت نہیں کرتا ہے ، میری بلڈ شوگر بھی کنٹرول میں نہیں رہتی، مجھے اپنی طلاق سے 6 ماہ قبل اچانک لقوہ ہو گیا تھا۔انجلینا جولی نے کہا کہ جب تک ہالی ووڈ میں ہوں میری ایک عام انسان کیطرح کوئی پُرسکون سماجی زندگی نہیں ہو سکتی کیونکہ میں جب بھی گھر سے باہر نکلتی ہوں میڈیا کی توجہ کا مرکز بن جاتی ہوں، اسی لیے اب میں کمبوڈیا میں زیادہ وقت گزارنے کا ارادہ رکھتی ہوں۔اُنہوں نے کہا کہ میں نے بہت ہی اتھلی جگہ پر پرورش پائی ہے، ہالی ووڈ صحت کے لیے بالکل اچھی جگہ نہیں ہے ۔انجلینا جولی نے یہ بھی کہا کہ اگر میں ابھی اپنے کیریئر کا آغاز کر رہی ہوتی تو اداکارہ تو بالکل نہیں ہوتی۔
