گٹکے کا اشتہار :شاہ رخ ، اکشے ، اجے دیوگن کونوٹس جاری
ممبئی(شوبز ڈیسک) بالی ووڈ کے تین سپر سٹارز شاہ رخ خان، اکشے کمار اور اجے دیوگن کو گٹکے کے اشتہار میں کام پر نوٹس جاری کردیا گیا ہے ۔
گزشتہ سال شاہ رخ خان، اکشے کمار اور اجے دیوگن نے گٹکے کے ایک اشتہار میں کام کیا تھا جس کے بعد تینوں اداکاروں کو کڑی تنقید کا سامنا کرنا پڑا تھا، اس تنقید کے بعد اکشے کمار نے مداحوں سے معذرت کرلی تھی۔بعدازاں، موتی لال یادو ایڈوکیٹ نے آلہ آباد کورٹ میں ان تینوں بالی ووڈ سٹارز کے خلاف درخواست دائر کی تھی۔تاہم حکومت کی جانب سے تینوں اداکاروں کیخلاف کوئی کارروائی نہیں کی گئی تھی۔بھارتی حکومتی کی خاموشی سے تنگ آکر ایڈوکیٹ موتی لال یادو نے حال ہی میں پھر عدالت کا رخ کیا جس پرعدالت نے تینوں شاہ رخ خان، اکشے کمار اور اجے دیوگن کو نوٹس جاری کردئیے ۔ معاملے کی اگلی سماعت 9 مئی 2024 کو مقرر کی گئی ہے ۔
روزنامہ دنیا ایپ انسٹال کریں
