’’فہد مصطفی کی ہندو بچے کے علاج کیلئے لاکھوں روپے کی امداد ‘‘
لاہور (شوبز ڈیسک )جے ڈی سی کے سربراہ ظفر عباس نے انکشاف کیا ہے کہ اداکار و میزبان فہد مصطفی نے ہندو بچے کے علاج کیلئے لاکھوں روپے کی امداد دی۔ظفر عباس نے ایک انٹرویو میں بتایاکہ پاکستان کی ہندو برادری کا ایک بچہ تھا۔۔۔
جس کا بون میرو ٹرانسپلانٹ کروانا تھا اور اسے ڈاکٹرز نے آپریشن کروانے کیلئے جو وقت دیا تھا اسے ختم ہونے میں صرف دو یا تین مہینے رہ گئے تھے اس کے بعد پھر اس بچے کا آپریشن ہونا ممکن نہیں تھا اور پھر وہ بچہ زندگی بھر کیلئے تھیلسیمیا کا شکار ہو جاتا، اس لئے ہم نے لوگوں سے مالی امداد کرنے کی اپیل کی۔ یہ 4 سال پرانی بات ہے ، ہم نے 50 لاکھ روپے مالی امداد کرنے کی اپیل کی تھی جس کے بعد فہد مصطفیٰ کا فون آیا اور اُنہوں نے اس بچے کے علاج پر آنے والی رقم کی ادائیگی کی اور وہ بچہ علاج کیلئے پڑوسی ملک گیا اور صحت یاب ہوکر لوٹا ۔
روزنامہ دنیا ایپ انسٹال کریں
