گھریلوجھگڑے ،بے جا سختی سے یشماگل کی ذہنی صحت متاثر رہی
لاہور (شوبز ڈیسک )اداکارہ یشما گل نے ڈپریشن میں مبتلا ہونے کی وجوہات سے پردہ اٹھا دیا۔حال ہی میں اداکارہ یشما گِل ایک ٹی وی پروگرام میں بطور مہمان شریک ہوئیں اورپروگرام کے دوران ڈپریشن کے۔۔۔
حوالے سے بات کرتے ہوئے یشما گل نے بتایا کہ ڈپریشن کے مرض کی تشخیص میں میرے گھریلو حالات نے بہت اہم کردار ادا کیا کیونکہ میرے والد نے دو شادیاں کی تھیں۔اداکارہ نے بتایا کہ میرے والد بہت انصاف پسند انسان تھے اور انہوں نے ہمیشہ دونوں گھروں کو متوازن رکھا لیکن پھر بھی گھر میں کچھ نہ کچھ نوک جھوک رہتی تھی اور بچپن میں جب آپ گھر میں ہونے والی بحث سنتے ہیں تو اس کا اثر آپ کی ذہنی صحت پر ضرور پڑتا ہے ۔ جب میں سکول میں پڑھتی تھی تو میرا بڑا بھائی بہت سخت تھا، بے جا سختی اور گھریلو جھگڑوں نے مل کر میری ذہنی صحت کو متاثر کردیا۔
روزنامہ دنیا ایپ انسٹال کریں
