پاکستانی مداح کے میکا سنگھ کو کروڑوں کے تحائف
لاہور(شوبزڈیسک)پاکستانی مداح نے پنجابی بھارتی گلوکار میکا سنگھ کو کروڑوں کے تحائف سے نواز دیا جس کی ویڈیو سوشل میڈیا پر وائرل ہو رہی ہے۔
حال ہی میں میکا سنگھ کا امریکی ریاست مسیسیپی کے شہر بیلوکسی میں ایک بڑا کنسرٹ ہوا جس میں ہزاروں مداحوں نے شرکت کی ۔اس کنسرٹ میں شریک ایک پاکستانی مداح نے میکا سنگھ کو کروڑوں روپے مالیت کے تحائف دیئے جس میں رولیکس، وائٹ گولڈ کی موٹی چین اور ہیرے کی انگوٹھیاں شامل تھیں۔ سوشل میڈیا پر وائرل ویڈیو میں دیکھا جا سکتا ہے کہ میکا سنگھ سٹیج پر گانا گنگنا رہے ہیں جبکہ ان کا دلدادہ مداح سٹیج پر آکر انہیں زیورات پہنا رہا ہے اور میگا کے گلے لگ کر ان سے اپنی محبت کا اظہار کر رہا ہے ۔ان تحائف کی مجموعی قیمت 3 کروڑ روپے بتائی جا رہی ہے۔
روزنامہ دنیا ایپ انسٹال کریں
