آئس سکیٹنگ رنک میں برف کے نیچے دبا آئی فون توجہ کا مرکز
لندن(نیٹ نیوز)انگلینڈ میں ایک موسمی آئس سکیٹنگ رنک میں 2 انچ برف کے نیچے دبا آئی فون سیاحوں کی توجہ کا مرکز بن گیا ہے۔
انگلینڈ کے شہر ملٹن کیز میں ویلن کے آئس سکیٹنگ رنک پر سکیٹرز کبھی کبھی برف کے نیچے کسی چیز کو بغور دیکھنے کے لیے بڑے آئس رنک کے بیچ میں رک جاتے ہیں اسی دوران انھیں یہ چمکدار پنک آئی فون نظر آیا۔بظاہر ایسا لگتا ہے کہ یہ اس سال رنک کی تیاری میں شامل ایک کارکن کا ہے جس کا اسمارٹ فون گم ہوگیا تھا اور اسے اپنی بیٹی کا آئی فون ایک دن کے لیے لینا پڑا تھا۔دوسرے دن اس کے ساتھی ورکرز نے برف کے معائنہ کے دوران اسے دیکھا، لیکن وہ سوائے اسکی بدقسمتی پر ہنسنے کے کچھ نہیں کرسکتے تھے کیونکہ برف سے فون کو نقصان پہنچنا یقینی تھا۔
روزنامہ دنیا ایپ انسٹال کریں
