فلم ’’دی وزرڈ آف اوز‘‘ میں استعمال جوتے نیلامی کیلئے پیش
نیویارک(نیٹ نیوز)ہالی ووڈ فلم ’دی وزرڈ آف اوز’ میں جوڈی گارلینڈ کے استعمال میں آنیوالے جوتوں کا جوڑا چوری ہونے کے تقریباً دو دہائیوں بعد نیلامی کے لیے پیش کر دیا گیا۔
ڈیلاس کے ہیریٹیج آکشن کے اعلان کے مطابق جوتوں کی نیلامی کے لیے آن لائن بولی لگنا شروع ہو چکی ہے جو کہ 7 دسمبر تک جاری رہے گی۔آکشن کمپنی نے یہ جوتے مائیکل شا سے حاصل کیے تھے جو کہ نادر اشیاء اکٹھا کرنے کا شوق رکھتے تھے اور 1939 کی اس میوزیکل فلم میں استعمال کیے گئے ۔2005 میں مائیکل نے یہ جوتے منیسوٹا میں قائم جوڈی گارلینڈ میوزیم کو دیے تھے جہاں پر کسی شخص نے ڈسپلے کیس توڑ کر جوتے چرالیے جن کی بعد ازاں 2018 میں ایف بی آئی نے کھوج لگائی۔چوروں نے یہ جوتے اس غلط فہمی میں چرائے تھے کہ ان جوتوں پر اصلی جواہرات لگے ہیں۔
روزنامہ دنیا ایپ انسٹال کریں
