مہوش حیات کی ڈرامہ انڈسٹری میں واپسی، ٹریلر کی دھوم
لاہور(شوبزڈیسک)نامور اداکارہ مہوش حیات 7 سالہ وقفے کے بعد دوبارہ ٹی وی سکرین پر جلوہ گر ہونگی، مہوش حیات آخری بار 2016 میں ڈرامہ دل لگی میں ہمایوں سعید کے ساتھ نظر آئی تھیں۔۔۔
اب وہ ایک پیچیدہ، سنسنی خیز اور تجسس سے بھرپور کردار میں واپس آ رہی ہیں، اور اس بار ان کا نیا ڈرامہ مداحوں کو حیران کر دیگا،یہ 7th Sky Entertainment کا میگا پراجیکٹ ہے ، جس میں مہوش حیات کے ساتھ احسن خان اور حرا مانی بھی اہم کردار ادا کر رہے ہیں۔ہدایت کار سراج الحق ہیں جبکہ فاطمہ فیضان اور عنبر اظہر کی تحریر کردہ یہ کہانی محبت، معمہ اور گہرے رازوں پر مبنی ہوگی، جس کے پہلے ٹریلر نے پہلے ہی سوشل میڈیا پر دھوم مچا دی ہے ۔ڈرامے میں عثمان پیرزادہ، زینب قیوم، نیر اعجاز، سہیل سمیع، اسامہ طاہر، ندا ممتاز، شمیل خان، افشین حیات اور زہرہ عامر بھی شامل ہونگے۔
روزنامہ دنیا ایپ انسٹال کریں
