ایک سال ہوگیا میں نے روٹی نہیں کھائی:منیب بٹ
لاہور(شوبزڈیسک)معروف اداکار منیب بٹ نے انکشاف کیا ہے کہ انہوں نے گزشتہ ایک سال سے روٹی چکھی تک نہیں ہے۔
رمضان ٹرانسمیشن کے ایک پروگرام میں انہوں نے سوال کے جواب میں بتایا کہ ہمارے گھر میں ایمن خان کی چلتی ہے، وہی سارے فیصلے کرتی ہیں۔ چونکہ میں بٹ فیملی سے تعلق رکھتا ہوں، اس لیے میرے لیے اپنے بڑھتے وزن پر قابو رکھنا بہت مشکل ہوتا ہے۔ دن بھر کی کھانے پینے کی روٹین سے متعلق سوال کے جواب میں منیب نے انکشاف کیا کہ میں بہت کم کھاتا ہوں، میں صبح 6 انڈے بغیر زردی کے لیتا ہوں، دن میں ایک تکہ اور شام میں کچھ بھی ہلکا پھلکا کھا لیتا ہوں۔ میں نے ایک سال سے روٹی نہیں کھائی ہے، اس پرانکی اہلیہ ایمن خان ان کے اس انکشاف کی تصدیق کی۔
روزنامہ دنیا ایپ انسٹال کریں
