اداکارہ عائشہ خان کی لاش ہفتہ پرانی،تعفن سے پتا چلا
کراچی(شوبز ڈیسک) پولیس نے تصدیق کردی کہ کراچی کے علاقے گلشن اقبال میں رہائشی فلیٹ سے ملنے والی لاش سینئر اداکارہ عائشہ خان کی تھی۔
پولیس نے تصدیق کرتے ہوئے بتایا کہ اداکارہ عائشہ خان کی لاش ایک ہفتہ پرانی ہے ، خاتون گھر میں اکیلے رہ رہی تھیں۔گھر سے بدبو پھیلنے پر علاقہ مکینوں نے رشتہ داروں کو اطلاع دی۔اداکارہ عائشہ خان کی لاش جناح ہسپتال سے سہراب گوٹھ ایدھی سردخانے منتقل کردی گئی ہے ۔واضح رہے کہ جمعرات کو سینئر اداکارہ عائشہ خان کی دوست تہمینہ خالد نے عائشہ خان کے انتقال کی تصدیق کی تھی۔اداکارہ عائشہ خان کی عمر 77 برس تھی،انہوں نے کئی کامیاب ڈراموں میں اداکاری کی ۔ان کے مشہور ڈراموں میں افشاں، عروسہ، فیملی 93، مہندی شامل ہیں۔عائشہ خان گزشتہ کئی سالوں سے ڈراموں سے دور تھیں۔ وہ خالدہ ریاست کی بڑی بہن تھیں۔
روزنامہ دنیا ایپ انسٹال کریں
