فلمساز جمشید جامی کو ہتکِ عزت کے کیس میں 2 سال قید
کراچی (آئی این پی) ایڈیشنل ڈسٹرکٹ اینڈ سیشن جج جنوبی کی عدالت نے ڈائریکٹر جمشید محمود عرف جامی کے خلاف دائر ڈائریکٹ کمپلین کا فیصلہ سنادیا۔
عدالت نے جرم ثابت ہونے پر جمشید محمود عرف جامی کو دو سال قید کی سزا سنادی،10 ہزار روپے جرمانہ بھی عائد کیا گیا ،جمشید محمود جامی کے خلاف ڈائریکٹر سہیل جاوید نے پرائیویٹ کمپلین دائر کی تھی جس میں مؤقف اختیار کیا گیا تھا کہ جمشید محمود نے جامشورو لاہوتی میلے میں جنسی زیادتی سے بچ جانے والی ایک گمنام لڑکی کا خط پڑھا تھا۔ بعد ا ز ا ں جمشید نے وہ خط سماجی رابطے کی ویب سائٹ پر پوسٹ کردیا تھا جس پر لوگوں نے اندازہ لگایا تھا کہ جنسی حملہ کرنے والے سہیل جاوید ہیں جبکہ جمشید محمود نے ان قیاس آرائیوں کی تردید نہیں کی۔
روزنامہ دنیا ایپ انسٹال کریں
