لندن :نواز، شہباز کی پس پر دہ ملا قا تیں ، مارچ پلان بننے لگا
پارٹی قیادت کا اجلاس بلانیکا فیصلہ ،چودھری فیملی کی شخصیت جلد عیا د ت کیلئے پہنچے گی
لندن(اظہر جاوید )مسلم لیگ ن کے صدر شہباز شریف کی نواز شریف سے اہم ملاقات، اگلے ماہ پاکستان واپسی کیلئے تیاری شروع کردی۔ پس پردہ اہمُ ملاقاتوں کا سلسلہ جاری ،پارٹی قیادت سے مشاورت شروع ۔نواز شریف نے سیاسی محاذ پر اہم فیصلوں کیلئے ن لیگ کی قیادت کا اجلاس دوبارہ لندن میں طلب کرنیکا فیصلہ کیا ہے ۔ ذرائع کا کہنا ہے مسلم لیگ ن نے مارچ میں سیاسی مارچ کا پلان بنایا ہے نواز شریف اور شہباز شریف کی لندن میں ملاقات میں اہم مشاورت ہوئی پارٹی قیادت کو جلد لندن بلا کر اہم فیصلوں پر مشاورت کی جائیگی مسلم لیگ ن کے صدر شہباز شریف کی گزشتہ دنوں لندن میں پس پردہ اہم ملاقاتیں ہوئی ہیں جس میں سیاسی جوڑ توڑ کے حوالے سے گفتگو ہوئی ذرائع کا کہنا ہے پی ٹی آئی کے ناراض ارکان کے بھی شہباز شریف سے رابطے ہوئے ہیں یہ رابطے لندن میں مشترکہ دوستوں کے ذریعے جاری ہیں اس کے علاوہ ق لیگ کے رہنمائوں سے بھی جلد لندن میں اہم ملاقات کی کوششیں جاری ہیں۔ ذرائع کا کہنا ہے کہ چودھری فیملی کی ایک شخصیت جلد لندن میں نواز شریف کی عیادت کیلئے جائیگی۔
