ریئر ایڈمرل محمد شعیب ڈی جی پاکستان میری ٹائم سکیورٹی ایجنسی مقرر
ریئر ایڈمرل محمد شعیب ہلال امتیاز (ملٹری) نے پاکستان میری ٹائم سکیورٹی ایجنسی کی کمان بطور ڈائریکٹر جنرل سنبھالی ۔ پیر کو جاری کردہ اعلامیہ کے مطابق ریئر ایڈمرل محمد شعیب نے جنوری1988 میں پاکستان نیوی میں کمیشن حاصل کیا
کراچی(اے پی پی) ریئر ایڈمرل محمد شعیب ہلال امتیاز (ملٹری) نے پاکستان میری ٹائم سکیورٹی ایجنسی کی کمان بطور ڈائریکٹر جنرل سنبھالی ۔ پیر کو جاری کردہ اعلامیہ کے مطابق ریئر ایڈمرل محمد شعیب نے جنوری1988 میں پاکستان نیوی میں کمیشن حاصل کیا۔وہ پی اے ایف ایئر وار کالج اور نیشنل ڈیفنس یونیورسٹی اسلام آباد سے فارغ التحصیل ہیں۔ امریکہ سے نیشنل کمانڈ کورس ، نیشنل سکیورٹی وار اینڈ سٹریٹجک سٹڈیز میں ماسٹرز کیا ، انہیں مختلف تقرریوں پر خدمات انجام دینے کا اعزاز حاصل ہے ،ان میں کمانڈنگ آفیسر پی این ایس نصر، پی این ایس نگران میں بحیثیت پروسٹ مارشل، کمانڈر 10پیٹرول سکواڈرن اور کمانڈر ایگزلری سکواڈرن سرفہرست ہیں۔ آپ کو بحرین نیوسینٹ (سی ٹی ایف 151 ) ہیڈکوارٹرز میں ملٹی نیشنل ٹاسک فورس کی کمانڈ کرنے کا اعزاز بھی حاصل ہے ۔ اپنی تقرریوں میں ڈائریکٹر نیول ٹریننگ، اسسٹنٹ چیف آف نیول سٹاف پرسنل و سپیشل آپریشن فورس اور ڈپٹی چیف آف نیول سٹاف (ایڈمن) جیسی خدمات شامل ہیں۔جوائنٹ سروسز ہیڈکوارٹر زمیں ڈی جی ٹریننگ اور وارفیئر ،پاکستان نیول اکیڈمی، متحدہ عرب امارات نیول اکیڈمی اور پی این ایس بہادر میں بطور انسٹرکٹر،نیشنل ڈیفنس یونیورسٹی اسلام آباد میں ڈائریکٹنگ سٹاف کی حیثیت سے بھی خدمات انجام دے چکے ہیں۔ 27 جولائی2017 کو ریئر ایڈمرل کے عہدے پر ترقی دی گئی ، خدمات کے اعتراف میں حکومت پاکستان نے ہلال امتیاز (ملٹری) سے نوازا ۔
