ٹک ٹاک بناتے ہوئے نوجوان گولی چل جانے سے ہلاک
سچل میں باپ کی پستول سے ٹک ٹاک بناتے ہوئے نوجوان اتفاقی گولی چل جانے سے جان سے ہاتھ دھوبیٹھا
کراچی (سٹاف رپورٹر) تفصیلات کے مطابق سچل کے علاقے سکندر گوٹھ میں قائم گھرکے اندر فائرنگ کے پراسرار واقعہ میں 17 سالہ تنویر ولد غلام مرتضیٰ جاں بحق ہو گیا، جس کی لاش قریبی نجی ہسپتا ل منتقل کی گئی جہاں ڈاکٹروں نے موت کی تصدیق کر دی۔ پولیس کے مطابق متوفی کے اہل خانہ کا کہنا تھا کہ تنویر اپنے والد کی پستول سے ٹاک ٹاک بنا رہا تھا، اس نے کنپٹی پر پستول رکھ کر ٹریگر دبا یا تو اچانک گولی چل گئی، والد نے بتایا کہ چیمبر میں گولی موجود تھی، جس کا علم اس کے بیٹے کو نہیں تھا، تاہم اہل خانہ نے قانونی کارروائی سے انکار کر دیا اور لاش لے کر چلے گئے ۔
روزنامہ دنیا ایپ انسٹال کریں
