لاہور اسلام آباد موٹروے کے ٹول ٹیکس میں 10فیصد اضافہ
750 سے بڑھا کر 830کرنیکا نوٹیفکیشن جاری ، اضا فہ 26اگست سے کیا گیا
اسلام آباد(نیوزایجنسیاں)حکومت نے لاہور، اسلام آباد ٹول ٹیکس میں 10 فیصد اضافہ کر دیا،اسلام آباد ،لاہور موٹروے کا ٹول ٹیکس 750 سے بڑھا کر 830 روپے کرنے کا نوٹیفکیشن جاری کر دیا گیا۔ اضافہ 26 اگست 2020 سے کیا گیا ہے ۔لاہور ،اسلام آباد بس کا ٹول ٹیکس 2510 سے بڑھا کر 2770روپے کر دیا گیا۔ کچھ عرصہ قبل ایک بیان میں وفاقی وزیر مواصلات مراد سعید نے دعویٰ کیا تھا کہ موٹرویز پر ٹول ٹیکس میں آخری بار اضافہ مسلم لیگ (ن) کے دور میں 2018 میں ہوا، ہم نے ٹول ٹیکس بڑھائے بغیر 27 ارب 97 کروڑ روپے کا زائد ریونیو اکٹھا کیا جبکہ ہر سال دس فیصد ٹول ٹیکس بڑھانے کا معاہدہ مسلم لیگ (ن) کے دور میں ہواتھا ۔
روزنامہ دنیا ایپ انسٹال کریں
