لیسکوریجن ،بجلی کنکشن فیس میں سو فیصد اضافہ
لاہور (اپنے کامرس رپورٹر سے ) لیسکو نے گھریلو صارفین کے لیے نئے کنکشن کی فیس میں سو فیصد اضافہ کردیا ،نئے کنکشن کے لئے ڈیمانڈ نوٹس کی فیس میں اضافہ کرنے کی منظوری لیسکو بورڈ آف ڈائریکٹرز نے دی۔
نئے اضافے کے بعد سنگل فیز کنکشن کی کیپیٹل کاسٹ 4 ہزار سے بڑھا کر 7400 روپے کر دی گئی اضافے کے بعد سنگل فیز میٹر کا مجموعی ڈیمانڈ نوٹس 10000 کا ہو جائیگا تھری فیز میٹر کی کیپیٹل کاسٹ 15 ہزار سے بڑھا کر 33000 روپے کر دی گئی ،تھری فیز کنکشن کے لئے ڈیمانڈ نوٹس مجموعی طور پر 42000 روپے تک ادائیگی کرنا ہو گی۔ میٹریل کی قیمتوں میں اضافے کی وجہ سے نیو کنکشن کے ڈیمانڈ نوٹس میں اضافہ کیا گیا ڈائریکٹر کسٹمر سروسز نے آپریشن سرکلز کے سربراہوں کو مراسلہ بھجوا دیا لیسکو میں اضافی قیمت کا فیصلہ جون سے نافذالعمل ہو گا۔
روزنامہ دنیا ایپ انسٹال کریں
