وفاقی کابینہ کا اجلاس آج طلب
اسلام آباد (دنیا نیوز)وفاقی کابینہ کا اجلاس آج طلب کر لیا گیا۔ وزیر اعظم کی زیر صدارت اجلاس بارہ بجے ہو گاجس میں 9 نکاتی ایجنڈا زیر غور آئے گا۔
قومی ادارہ برائے ماڈرن سائنسز کا بل ، سفیر منظور چودھری کو غیر ملکی ایوارڈ کی منظوری اوراحتساب عدالتوں کی ری آرگنائزیشن بھی ایجنڈے میں شامل ہے ۔ فیڈرل ڈرگ انسپکٹر کی تقرری ، وزارت سمندر پار پاکستانیز اور وزارت قطر لیبر کے مابین مفاہمت کی یادداشت کی بھی منظوری دی جائے گی۔ کابینہ ای سی سی کے فیصلوں کی توثیق بھی کرے گی۔