ڈاکٹر یاسمین راشد کی طبیعت بہتر ہسپتال سے جیل جانے کیلئے بضد
لاہور(مانیٹرنگ ڈیسک)سروسز ہسپتال میں زیرعلاج سابق صوبائی وزیر صحت اور رہنما تحریک انصاف ڈاکٹر یاسمین راشد جیل جانے پر بضد ہیں ۔
ڈاکٹر یاسمین راشد نے ڈاکٹرز سے مطالبہ کیا ہے کہ وہ ٹھیک ہیں، انہیں جیل بھیج دیا جائے ، جیل ان کا گھر ہے ان کاہسپتال میں دل نہیں لگ رہا، رہنما پی ٹی آئی بیڈ سے اتر کر کرسی پر بیٹھ گئیں اور جیل جانے کے لئے بضد تھیں۔میڈیکل بورڈ نے اینٹی بائیوٹک کورس پورا کرنے کے لئے انہیں مزید 2 روزہسپتال میں رکھنے کا فیصلہ کیا ہے ۔ہسپتال انتظامیہ نے کہا کہ یاسمین راشد کی طبیعت بہتر ہو رہی ہے مگر کمزوری ہے ، انہیں ڈسچارج کرنے کا فیصلہ میڈیکل بورڈ کرے گا۔ ڈاکٹر یاسمین راشد نے ہسپتال میں اہل خانہ اور نواسی سے ملاقات بھی کی۔
روزنامہ دنیا ایپ انسٹال کریں
