یو اے ای سفیر کی خواجہ آصف سے ملاقات، سول ایوی ایشن سیکٹر پر تبادلہ خیال
اسلام آباد (خصوصی نیوز رپورٹر) وزیر دفاع و دفاعی پیداوار اوروزیر ہوا بازی خواجہ آصف سے متحدہ عرب امارات کے سفیر حماد عبید ابراہیم سالم الزابی نے ملاقات کی۔
ترجمان وزارت دفاع کے جاری بیان کے مطابق وفاقی وزیر نے متحدہ عرب امارات کی ترقی اور تبدیلی کیلئے یو اے ای کی مسلح افواج کے صدر اور سپریم کمانڈر شیخ محمد بن زید النہیان کے وژن اور کوششوں کو سراہا، انہوں نے کہا پاکستان سول اور دفاعی شعبوں میں متحدہ عرب امارات کی حمایت جاری رکھے گا۔ دونوں ممالک کے درمیان ہوا بازی کے شعبے میں گنجائش بڑھانے کیلئے کمرشل سول ایوی ایشن سیکٹر سے متعلق امورپر بھی تبادلہ خیال کیا گیا۔
روزنامہ دنیا ایپ انسٹال کریں
